الحياة اجمل دون موبايل

الحياة اجمل دون موبايل حقيقة اكتشفتها عندما سرق موبايلي ومن يومها وانا احرم الموبايل على نفسي الا للضرورة وفعلا انا سعيد للغاية
راح تتضايق او يوم يومين بس بعدين راح تكتشف ان حياتك اجمل من دونه
صاحبك ما بعاتبك لانك ما رديت عليه لما كنت نايم
امك مش راح تزعل لانك ما حكيت معها اليوم
ما حد راح يقدر ينكد عليك بخبر مفاجىء
ما راح تصحى من النوم مزعوج من رنة الموبايل
ما راح يرن عليك حد ويحكى انت رنيت عليه على رقمة التاني قبل اربع شهور الساعة 12 الظهر
مش محتاج تنزل الساعة 12 باليل تدور على محل فاتح عشان تشترى بطاقة لان صاحبك بعث رسالة احكي معي ضروري
واهم شيء انك راح توفر اقل شيء 20 دينار شهر بدل الحكي الفاضي
صدقوني الحياة اجمل من غير موبايل

بصراحة أنا معك أول ما دخلت الجامعة " أول سنة الي " ماكان معي موبايل وكنت مرتاحة كتير, وبالسنة التانية شآءت الظروف أني أحمل موبايل , وهلا معي وأنا ما بحب يكون معي وما بستخدمة الا للحاجة وما بياخد من مصروفي شي لأن الوالد هو اللي بيشحنلي اياه

احنا بالنهاية ما بدنا نكبر الموضوع كتير.......... هي الحاجة فقط لاغير