شلة ريجيم/احمد دعموس

من طرف **غادة شقاقحة** في 16/6/2008, 10:02 pm

ريجيم يا سيدي.. ريجيم

هداك اليوم في الجامعه دبت فيني و بصديقي نخوة غير معتاده… لازم نفرد عضلاتنا .. صبايا ” صح ” و الامور ميه بالميه… و كما جرت العاده ان الصبايا يرفضن هكذا عزائم..
قلت… ” شو نجيبلكم تاكلو ؟؟ ”
” بليز خليني اجيبلكم اي شي سناك هيك…”
و اصر صديقي : ” لا لا لا عنجد ما بسير.. لازم نجيبلكم اي شي.. طيب.. اجيبلكم ” أشأوان او تيركي..؟؟ ”
فكان الرد الثابت…. “” نو وي , مش ادرين..”
الاولى : ” انا السبح اكلت كرواسونة جبنه و نس كرواسونة زعتر ”
الثانيه: ” ييييي انا ما بأدر.. يا دوب مامي عملتلي إتعت توست و عليها نؤتة مربى ”
الثالثه يا كشيل أمها : ” اوووه مامي بتموتني لو تعرف اني اكل هيك اكل… مليان كالورييز”
طبعا انا و صاحبي كل واحد فينا زي الطبل… فكرنا الكالوري هاد نوع تلوث جديد… فكان ردي السرييييع ….: ” اوووه شت كالورييز,, الله يعفينا.. احنا بنجيب اشيائنا من محل ما فيه كالورييز”.. و بين النظرات الاستغرابيه منهم … استأذنا انا والشب اللي معي.. و انسحبنا قبل ما يكبر موضوع الكالورييز هادا احنا مش قددووو…
و الله و بعد اول عشرين متر عادة يكون اول تعقيب عند الشباب..
قاللي صاحبي: ” منيح اللي ما اجو.. انا ما بعرف اكل قدام الناس… و ما بشبع… و بنعجق.. و بوسخ بلوزتي”
رديت : ” سيدي ….!!!! اصلا الدنيا اخر شهر.. و نحنا عملنا اللي علينا… “” الله يقطعني شو كحتوت”" …
المهم …..
سحبنا حالنا و طلعنا ناكل براحتنا عند الكلحه .. ابووك يا صحووون الفووووول… فلافل زي النار.. و الحمص اللي اااااااخخخخ..
دخلنا عالمحل…
وكان من بين الرؤوس ثلاث رؤوس مألوفه…. يا سيدي…
شو بساوو بنات الرجيم هوووون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كانت اطلال الصحون المتبقيه تدل على فجع شديد ناتج عن مجاعه انسانيه صعبه… يعني جد.. ما في داعي للجلي… كل شي بيلمع…
و بحركه سريعه كنا على رأس طاولتهم..
ظنت احداهن انني الوييتر… فقالت دون انتباه..: “ ممكن راس بصل و عرقين جرجير؟؟!!! ”
فقلتلها: ” حاضر ستي ” بس مع توست ولا بدون؟ ”
فردت و ما زالت غايصه باخر لقمه فوول غرقانه بالزيت..
” لأ فيّو كالور…….. اوه شت شو جابكم هووون ”
فتعالت ضحكاتنا….
و فضحناهم ….. و صار اسمهم شلة ريجيم… جد اننا مش قلال…..
بس بيني و بينكم …. منيح ما قبلو العزومه !!!!!

من طرف **nejmeh** في 16/6/2008, 10:22 pm

كويس ما قبلو العزومة عنجد هههههههههههههههه
مشكورة غادة

من طرف **غادة شقاقحة** في 16/6/2008, 10:34 pm

اهلا اهلا ..

من طرف **أبوغزالة** في 17/6/2008, 2:08 am

مشكوووووورة غادة ....... حلوة

من طرف **غادة شقاقحة** في 17/6/2008, 6:44 pm

اهلا ابو غزالة

من طرف **غادة شقاقحة** في 17/6/2008, 6:44 pm

اهلا ابو غزالة

من طرف **my way or no way** في 17/6/2008, 9:30 pm

ههههههههههههههههههههههههههههههههههههههههههههه

حلوة كتير

هم كانو جوعانين كتير ، فما حبو يغلبو الشباب .

من طرف **غادة شقاقحة** في 18/6/2008, 8:33 pm

هههههه..
يمكن!!

من طرف SAMoOoOoOoOoO في 2/7/2008, 2:01 am

هههههههههههههههه
معظم بنات الجامعة هيك
يعني بيروحو على كويك ومابيطلبو الا سلطات بس بنهاية الاسبوع في البيت الله لايورجيكو المناسف بتنزل وبتلاقيها بتقوم بسدر منسف بحاله