تمرجي..وديونجي...!!

تمرجي.. و ديونجي..!!



و ها قد اصبح الحل بسيطا… فعند ادخال المريض من باب المستشفى يتوجه احد افراد العائلة المرافقه لذاك ” المودّع ” لغاية ” الرسبشن ” .. و يعبئ النموذج الخاص بالادخال.. و الحل الجديد هو عبارة عن ورقه جديده ارفقت للنموذج يكتب فيها .. المده التوقعة لشفاء المريض, كم سنة بتحب يعيش بعد هالمرضه… و شو الاضافات الجديده اللي بتحب نضيفلو ياها؟؟!!…. كما يتعهد المستشفى بذلك… و في حال اخلال المستشفى بهذا العقد…. الديونجيه لازم ينتقمو…
تبدأ…..
زعران.. دواوين .. اصحاب قيود و سوابق .. زعلطيه…و على حراسة المرمى “” سعيد الشفره “”
اما في النصف الاخر من الملعب فنرى بالرداء الابيض
علم.. خدمه .. تضحيه .. ملائكه .. رحمه .. و على حراسة المرمى “” دكتور رامي “”
اذا هي معركه..
الى متى ستستمر هذه الظاهره.. ؟؟
هل اصبح الممرض هو مطسة و ملطشة المجتمع ؟؟
فبعد ان كان كل افراد الشعب يلقون بنكاتهم و كبة بلاهم و حقدهم على المغتربين “<( كنوع من تنشيط السياحه)>” اصبح الدور على الممرض…
ليش لازم يكون الحق على حدا ؟؟؟ متى سنصبح مجتمع حضاري؟؟ متى ستحل نزاعتنا بمنطق و عقلانيه ؟؟
لن اتجاوز عما ذكرت- بخصوص المغتربين- بصمت.. ولكن لن اتعمق.. فترى كل سيارات الشارع “بتلز” و ” بتقاوم” مع السيارة الخليجه… طيب ما الاخ الخليجي ضيف و دايس البساط …. فإن كان من الواجب علينا اكرام الضيف واحترامه.. فكيف الحال مع ابن البلد صاحب الدار..
كل ما يفوت مريض عالطوارئ وضعه خطر… يتسابق الممرضون لاعلان حالة الطوائ… فمن المتوقع هطول زخات متفرقه من المشارط يصحبها الضرب و الدعس احيانا.. وتكون الكفوف غربيه قويه غير معتدلة السرعه و الوضع مائجا… اما عن درجات الوعي لدى المعتدي فهي معدومه ليلا تصل ال صفر مئويه في ساعات اليوم الرسمي..
اذا الدكتور الحكيم قال.. بكرا مريضكو بروح .. و تأخر يوم.. اكلها الممرض.. و اذا قال ان شالله خير.. و تدهورت حالة المريض.. ثكلته امه الممرض… اما اذا الله اخذ وداعته.. فإن زوجة الممرض سترتاح من غسيل اواعيه.. و يتربى اطفاله في ملجأ الايتام…
اكثر من هيك ؟؟؟؟ و الله ما فشيت خلقي..
بيض الحمائم حسبهن .. اني اردد سجعهن… قصيدة رائعه لامير الشعراء احمد شوقي بعنوان ملائكة الرحمه.. تتجلى فيها ارقى صور الممرضين.. كيف بضحو و بتعبو و بسهرو على راحة المريض…. و كيف بعملو المستحيل لمصلحة المريض.. لكن الممرض مو اله… كلنا بنإمن بالقدر… و اللي من الله حياه لله…
اذا , فهل ظاهرة الاعتداء على الممرضين.. فشة خلق؟ ام ضعف ايمان بالله و القدر؟؟ ام انه اثبات الرجوله امام نساء العائله.. و محاوله الضغط على الدكتور مشان يرجع الروح اللي سرقها من مريضكم ؟؟؟ اختر الاجابة الصحيحه و اربح رحلة سفاري الى طوارئ مستشفى البشير…
بكفي يا جماعه …
هي الممرضين زعلو و بدهم يضربو عن الشغل…. حلو اللعب…
بكرا المستشفيات الحكوميه بتصير تعتمد مبدأ الخدمة الذاتيه… عالج نفسك بنفسك… اما عن الدلال في المستشفيات الخاصه.. فأتوقع ان يستقدم اصحابها شغالات من الشرق الاقصى… ” بابا انت في يغمد اينه علسان مسان تاخد ابره”" حلو والله…
هل اصبح الممرض هو ذاك اللذي يمشي في الشارع ووراه اتنين ” بدي غارد” ؟
روقو يا شباب …. الجويده مو ناقصها… و الممرضين كمان….
ملاحظه: الممرض هو شخص عباره عن مواطن عادئ. له ام و اب و اللي وارثله ارض بكون عنده زوجه و اولاد.. و يعاني من نفس المشاكل و المصاعب التي نعيشها. و لما غلى الديزل و الكاز تشعتل زينا… و هو شخص متخوزق تماما متل اي واحد فيكم .. اللا انه خلال عمله يلبس ذاك الثوب الابيض ليعطينا دفئا و املا…..
ان ضربوا.. اضربو
ان اضربو… متنا ..
فروقو عليهم الله يرضى عليكم… و لتكن فشة الخلق…. سيجارة… والفاتحه عا روح الفقيد…
دعموس

سلمت الأنامل


وصلت الصورة

كلك زوووووووووووووق

طبعا بيصير هيك واكتر كمان
اخي كان احد ضحايا هيك تصرف
لما كان بيأدي واجبه كطبيب بالمستشفى
وفعلا..عينك ما تشوف الا النور
المستشفى قلب لساحة حرب..

الله يستر

بدكم تنتبهو منييح يا الاطباء
حياتكم في خطر..مع هيك ظروف

فعلا هاي ظاهرة جديدة ومنتشرة وبهاد الشهر صارت اربع حوادث من هاد النوع

انا سمعت عن هاي الظاهره بالاردن بقناه الجزيره
اشي مؤسف هو الممرض شو ذنبه ؟
بس كمان حابب اضيف انه بعض الممرضات وللاسف بيعاملوا المريض كحيوان والعفو من هاي الكلمه وانا مجربه وللاسف

عنجد مسخرة
لايمتا رح نضل بهذا التفكير المتخلف
الله يعين الممرضين والاطباء
بس يا اخت تي هيك ظلمتي الاطباء لانو مش الممرض لحالو بيتعرض للضرب بالعكس الطبيب اكتر لانو الاهل بيظنو انو الطبيب لازم يعيش المريض مهما كانت حالته مع انو مرات بيجي شبه ميت ومع ذلك الاهل بيستنو من الطبيب انو بقدرة قادر ومعجزة من السما انو ينقذوا ولو ما انقذو بيحكو هدا خطأ طبي وبيحكو هدا مابيفهم هدا اذا ماضربوه
مابعرف اذا سمعتي عن الطبيب اللي تم ضربه في مستشفى الامير حمزة

مشكوووووووورة

شكرا

شكر على موضوع