الطيب الى اين

من العجيب ما يلاقيه الإنسان الطيب في عالم القرش الإنساني ، مسكين هو المستغلين كثر و المقدرين قلة و الذين يريدون المزيد أكثر من المستغلين ، ماذا تنصحون هذا الإنسان هل يقمع ذاته الطيبة ؟!!!! أم يحاول أن يكون قرش مع أنه لا يستطيع ؟ !!!!!! أم يترك نفسه للناس الذين لا يقدرون كنوز هذه النفس الطيبة المحبة للخير و للناس و أتساءل هل ينفع الذهب و الألماس في زمن الصفيح و الصدأ ؟!!!!!!!! ما رأيكم إخواني

عمره ما بعيش

بتخيل لازم انه يكون عنده الفطنه والذكاء لحتي يميز الناس
مش ضروري يعامل الكل بنفس الطريقة
لانه بهادا الوقت بطلوا الناس يحكوا عن الطيب انه طيب صار اسمه بلغتهم اهبل او على نياته
بصراحة وعن تجربة انا صرت جديد بعامل الناس متل ما بعاملوني وبميز مين بقدر اني طيبة او متعاونة ومين لا

لازم يكون اها من هيك
حتى يعيش
مشكور ابو ذنيبات

مو الله بيرزق الواحد على نيته ؟؟؟

و بتهيألي عمره ما رح يمسني ضرر إلا إزا الله قدر ، و الطيبون لطيبات و الطيور على أشكالها تقع .

ولو أني مع انو الواحد ما يثق بالأخرين بسرعة و يدير باله ،لكن مع كل هاد يعيش حياته و يخلي شعاره طنش تعش تنتعش .




و شكرا سلمت الأنامل

الله يعطيك العافية وبوركت يا امير

والله انا من النوع هاد الي بتحكو عنو.......وعن جد ورطة انك تكون طيب او تبين انك طيب وما بتسأل الناس بهاد الوقت بستغلو الطيب حتى انهم كمان مرات بوجهولو اهانات على اساس انو ما بتفلاق معو وابتسامة وشو عنوانو بس صدقوني الطيب انسان حساس اكتر من غيرو


اما بلنسبة انو يحاول يكون اقسى او اي شي تاني

ما اظن لنو الطيبة عادة وصفة ما بقدر يقلع عنها

شكرا على طرح الموضوع

انا برأي الطيب ربنا ببعتلة ناس طيبين متلة حتى لو ناس استغلت طيبتة ربنا كبير رح يبعت ناس يستغلوهم